Ис ахæм партии!  Ис ахæм лæг!  (Газета «Пульс Осетии» №35, сентябрь 2017)

Лæг йæ ныхасæн хицау куы уа, уæд ын адæм кад кæнынц, аргъ ын кæнынц! Уæд ыл адæм æууæндынц æмæ сæ уырны, гадзрахатæй сыл кæй никуы рацæудзæн, йæ цæсгом мулк æмæ æхцайы тыххæй кæй нæ фæчъизи кæндзæн, кæддæриддæр рæстаг адæмы фарсмæ кæй балæудзæн!
Ахæм сты æцæг лæджы миниуджытæ!
Ахæм миниуджытæ хъуамæ уа, йæхи адæмы сæрхъуызой чи рахоны, адæмæн æххуырстæй ныллæууынмæ чи фæхъавы, уыцы политикон партитæм дæр!
Иу афонæй иннæ афонмæ æвзæрстытæ куы æрхæццæ вæййынц, уæд адæмæн ныфсытæ æвæрын байдайынц — мах партийыл куы схъæлæс кæнат, уæд уæ цард дзæвгар фæхуыздæр уыдзæн æмæ цардæй тъæпп хаудзыстут! Фæлæ ацал-ауал азы адæм хорзæй ницы федтой бирæ партиты архайдæй. Куыддæр сæхион сæхи фæвæййы, афтæ сæ се ‘взарджытæ æрбайрох вæййынц æмæ та адæм фыдæнхъæл фæвæййынц. Цал æмæ сыл цал хатты æрцыдис ахæм сайд! Адæм бафæлладысты мæнгард, æнæбындур фæливæн ныхæстæй æмæ ницæуылуал æмæ никæуылуал æууæндынц, се ‘ууæнк æмæ сæ ныфс сæттын байдыдтой. Сæ царды уавæртæ та фыддæрæй-фыддæр кæнынц.
Абон кæй бон у адæмæн сæ царды уавæртæ фæхуыздæр кæнын, кæд æмæ бирæ разамонджытæ æмæ бирæ партитæ сæ ныхас фæсайдтой æмæ гадзрахатæй рацыдысты, ныфсытæ кæмæн æвæрдтой, уыцы æвзарджытыл?
Ис ахæм парти — «Уæрæсейы Патриоттæ»!

Ис ахæм лæг — Фадзайты Арсен! «Уæрæсейы Патриотты» республикæйы хайады разамонæг!
Фондз азы размæ Цæгат Ирыстоны-Аланийы парламентмæ куы цыдысты «патриоттæ», уæд цы сæдæгай, цы мингай дзыллæтимæ фембæлдысты Ирыстоны æппæт горæтты æмæ хъæуты, уыдонæн дзырд радтой, сыгъдæгзæрдæйæ кæй тох кæндзысты адæмы бартыл!

«Уæрæсейы Патриоттæ» æмæ Фадзайты Арсен сæ дзырд нæ фæсайдтой æмæ сыгъдæгзæрдæйæ удуæлдай куыст бакодтой парламенты дæр, Дзæуджыхъæуы æмæ районты минæвæртты æмбырдты дæр.
Ирыстоны адæм баууæндыдысты «Уæрæсейы Патриоттыл» æмæ нæ фæрæдыдысты!
Æмæ та нæ уырны, 10 сентябры дæр Ирыстоны æвзарджытæ иузæрдионæй кæй схъæлæс кæндзысты «Уæрæсейы Патриоттыл».

«Уæрæсейы Патриотты» Цæгат Ирыстойнаг
хайады пресс-службæ

Комментарии

Комментарии к данной статье отсутствуют

Добавить свой комментарий

Ваше имя:
Код:
Комментарий: