Куыд аудæм нæ хуыздæртыл (Газета «Пульс Осетии» №26, июль 2017)

Малиты Васо æнæгуырысхойæ у нæ литературæйы астæуккаг цæджындз-тæй иу. Рауагъта къорд поэтикон чиныджы, роман «Сурмейы хæдзар». Йæ пьесæтæм гæсгæ йын спектакльтæ сæвæрдтой Ирыстоны театрты. Васо уæхскуæзæй фæ-куыста газет «Рæстдзинад»-ы редакцийы, чиныгуадзæн «Ир»-ы, Цæгат Ирыстоны Фысджыты цæдисы сæрдарæй, стæй ссис, йæхи хъæппæрисæй цы журнал цæуын райдыдта, «Ирæф», уый сæйраг редактор. Бакуыста дзы фондз æмæ ссæдз азы бæрц. Фысджыты цæдисы сæрдар уæвгæйæ бацыди СЦКП-йы обкомы фыццаг секретарь В. Е. Одинцовмæ æмæ ракуырдта, цæмæй нæ республикæйы уадзын райдайой уырыссаг æвзагыл журнал. Афтæ фæзынди журнал «Дарьял».

Бирæ арфæйы хъуыддæгтæ ма сарæзта Васо йæ уарзон Ирыстонæн. Йæхицæн кæй-
дæртау исты кадджын нæмттæ, хæрзиуджытæ, премитæ-йедтæ никуы бацагуырдта, хицæут-тæм лæгъстæмæ никуы бацыди, цæстмæмитæ сын никуы кодта.
Ныр цыппар азы уæззау рынчынæй хуыссы йæ хæдзары, фæлæ йæ хъуыдыгæнæг никуы уыд, истæмæй йын баххуыс кæной, уый никæй сæр æрцахста. Афтæмæй дымыстæр графомантæн юбилейтæ куы вæййы, уæд сын бахай кæнынц цалдæр сæдæгай минтæ, исчи сæ куы фæрынчын вæййы, уæд дæр сæ æрмттæ уæлæмæ бадарынц, æмæ сын бæрзондылбадджытæ дæр «нард уарайæ» ракалынц. Васо уыдæттæ йæ сæрмæ никуы æрхаста.

Ныр тыхст рынчын куы у, уæд æм уыцы фыссæггæндтæй телефонæй дæр никуы ничи бадзырдта æмæ йæ нæ бафарста, куыд дæ, зæгъгæ. Афтæ аудынц «сагсур ирæттæ» сæ хуыздæртыл...
Гъæй-джиди, мæ ныхас куы байхъуысид нæ ног хицæуттæм — Битарты Вячеславмæ æмæ Тускъаты Таймуразмæ!

ХЪОДЗАТЫ Æхсар,
журнал «Мах дуджы» сæйраг редактор

Комментарии

Комментарии к данной статье отсутствуют

Добавить свой комментарий

Ваше имя:
Код:
Комментарий: