«Цин»-ы балц Лабæмæ (Газета «Пульс Осетии»№19, май 2016)

Æхсæнады царды алы аива-дон къорд дæр бæрæг фæдары йæ архайдæй. Уыдоныл уæлдай хæс, уæлдай уæз æвæрд ис.
Нæ республикæйы уыдонæй иу у фольклорон ансамбль «Цин». Ансамбль фылдæр æргом здахы нæ адæмы традицитæм, не ‘гъдæуттæм, куывдтытæм, сыгъдæг ирон кæфты-тæм æмæ зарджытæм. Æмæ сын æнтысгæ дæр кæны.
Дыууын дыууæ азы дæргъы радтой концерттæ алы рæтты, скъолаты. Цалдæр хатты уыдысты Хуссар Ирыстоны, Лабæйы, Мæскуыйы, Кæсæджы, Ростовы, Дагестаны…
Майы фыццаг бонты та сæ фæ-хуыдтой Хъæрæсе-Черкесимæ, Ла-бæмæ. Алы аз дæр 6 майы Къостайы хъæуы бæрæг кæнынц Уастырджийы бæрæгбон Шуаны кувæндоны фæзы. Бирæ адæм æрбацæуынц алы рæттæй. Мах дæр ансамблы зарæггæнджыты къордимæ абалц кодтам нæ хотæ æмæ æфсымæртæм куыд хуынд уазджытæ. Нæ размæ рацыдысты фысымтæ. Хъæуы цæр-джыты номæй Магкæты Харитон нын загъта: «Æгас цæут! Мæ хæдзары уын фысым уыдзыстæм!», æмæ ныл бацин кодтой зæрдиагæй.
Куы æрбынæттон стæм, уæд бамбарын кодтам фысымтæн, нæ фыдæлты историон-культурон цырт-дзæвæнтæ нæ бабæрæг кæнын кæй
фæнды, уый. Изæрæй фондз сахатыл ацыдыстæм Тебердайы коммæ, Сенты чырыстон дзуар æмæ кувæндон-мæ. Ам хъæрæсейы кувæндæттæ сты æппæты рагондæр аргъуантæ Уæрæсейы зæххыл. Нæ фыдæлты бæрзонд культурæ æмæ аивады ирд æвдисæнтæ IV–X æнусты.
Æнæнхъæлæджы аргъуанмæ хæстæг, иу мин метры бæрзæнды, сæмбæлдыстæм астрахайнаг бинонтыл (уыдон дæр кувæндонмæ цыдысты), фæлæ хохаг фæндагыл сæ рог машинæйы фæстаг рахиз цалх уæлдæфы дзедзырой кодта арф комы сæрмæ. Куы сæ федтам, уæд нæ машинæтæй рагæпп кодтой Бесолты Вадим, Гайты Хъазыбег, Цорæты Мухарбег, Бесаты Аркади, тарст уазджыты æрсабыр кодтой, февнæлдтой æмæ машинæ сабыргай лæгъз фæндагмæ ракодтой. Рæстæг бахардз кодтам сахаты бæрц. Фæлæ бинонты къорды бæрзонд къæдзæхы сæрæй ахауын нæ бауагътам сæр-сæфæнмæ.
Махмæ та клубы концерты райдайæнмæ хъæуы цæрджытæ æнхъæл-мæ кастысты…
Къостайы хъæуы сæрмæ, Шуаны аргъуаны фæзы азарыдыстæм цалдæр зарæджы. Адæм арфæтæ кодтой, истой къамтæ, ныффыстой сæ газеттæм нæ къорды тыххæй.
Клубмæ куы бацыдыстæм, уæд ныл залыбадджытæ сæмбæлдысты тыхджын къухæмдзæгъдимæ лæу-гæйæ.
Нæ концертон программæйы уыдысты зарджытæ: «Уастырджийы зарæг», «Ирыстоны зарæг», «Хорз ус кæмæн вæййы», «Плиты Иссæйы зарæг», «Айс æй, аназ æй», «Цорæты Алиханы зарæг», «Хъантемыраты Алыбеджы зарæг», «Цины зарæг», «Сойгæнджыты зарæг» æмæ ма дыууæ рог кафты.
«Алыбеджы зарæг» куы азарыдыстæм, уæд нæм сценæмæ схызти хъæрæсейаг дæсны фæндырдзæгъ-дæг Ислам Салпагаров æд фæндыр æмæ загъта, Хъантемыратимæ æрвадæлтæ кæй сты. «Ирыстоны зарæ-гимæ» немæ хорз куы ацагъта йæ фæндырæй, уæд Плиты Хадзымурат сценæйыл кафгæ æрзылди, йæ къахфындзтæ æрсагъта. Залы адæм хистæрæй, кæстæрæй фестадысты æмдзæгъдгæнгæ, дисгæнгæ. Йæ каф-тæй сæ дисы бафтыдта.
Концерты кæрон «Цины зарæг» куы систам æмбæлгæ æмвæзадыл, уæд нæ хотæ æмæ æфсымæртæ немæ ныззарыдысты: «…Дидинæг нын кал, о нæ Ирыстон, Рæсугъддæр дæуæй дунейыл ссарын нæу мæ бон!»
Æвдæм майы райсомæй абалц кодтам Архызмæ, ныгуылæн Аланийы сæйраг горæтмæ. Уым нæм нæ фыдæлты кувæндæтты бынаты фараст сахатмæ æнхъæлмæ кастысты археолог Умар Элькановы фырт Артур йе ‘мбæлттимæ. Æрзылдыстæм сахары культурон бынæттыл, аргъуанты арæзты фæлгонц хуыздæр базыдтам, сæ къамтæ сын систам. Ардæм æрвылбон цæуынц бирæ адæм алы рæттæй. Уыцы бон райсомæй дзы уыдис 300 туристæй фылдæр Саратов æмæ Астраханы облæсттæй, стæй Кавказæй.
Дыууæ сахаты фæстæ Артур ской кодта: «Жорж Иналович, ацы уазджыты тынг фæнды, цæмæй сын иронау азарат». Æмæ ныззарыдыстæм ай-гъай дæр. Туристты стыр дисы бафтыдтой нæ ирон зарджыты ны-хæстæ æмæ мелодитæ, истой нæ камерæтæм, алкæйы дæр фæндыдис немæ сæ къамтæ сисын.
Базонын, фенын хорз у. Фæлæ мæ зæгъын фæнды уый,  æмæ ансамбль «Цин»-ы коллектив рагæйдæр æвæры йæ размæ хæс, цæмæй Ирыстоны, нæ адæмæй æндæр регионты чи цæры, уыдон ма рох кæной нæ рагон хъæздыг æвзаг, нæ рæсугъд фыдæлтыккон æгъдæуттæ, нæ нæртон зарджытæ æмæ кæфтытæ. Æн-гомдæр æмæ уæрæхдæр кæной нæ бастдзинæдтæ.

ГАСЫНТЫ Жорж,
фольклорон ансамбль «Цин»-ы аивадон разамонæг

Комментарии

Dorothynex, 02:30, 20 Янв. 2017

wh0cd307126 <a >viagra</a> <a >over the counter tretinoin</a> <a >augmentin online</a> <a >buy provera online</a> <a >tretinoin cream</a> <a >buy lisinopril</a> <a >albuterol</a> <a >bupropion xl 150 mg online</a> <a >drug cymbalta</a> <a >tretinoin cream 0.05 generic</a>

Добавить свой комментарий

Ваше имя:
Код:
Комментарий: