Дзамболаты «ЗОНДАМОНÆНТЫ» фадыл (Пульс Осетии №2, январь 2015)

Фарон 9 декабры «Пульс Осетии»-йы 48-æм номыры мыхургонд æрцыд Хæбæлаты Дзамболаты æрмæг «Кæй хъæуынц ахæм зондамонæнтæ?». Æмæ уый тыххæй у нæ ныхас.
«Иры Стыр Ныхас»-ы æгъ-дæутты комитет æрæджы цы чысыл чиныг рауагъта, «Чызгæрвыст, чындзхаст æмæ марды æгъдæуттæ», зæгъгæ, уым разныхасы фыст ис афтæ: «Адæмы фæнды, Ирыстоны иу æгъдау куы уаид, уый. Уымæ гæсгæ æгъдæутты комитет бацæттæ кодта гыццыл бæрæгуат, дзыппыдаргæ чиныг нæ иумæйаг æгъдæутты тыххæй… Зынаргъ чиныгкæсæг, ме  ‘мзæххон, ирон адæймаг!
Дæ къухы цы чиныг ис, уым фыст сты дæу æмæ адæмы хъуыдытæ, фæндондзинад, нæ ирон нырыккон æгъдæуттæ, кæцытæ фидаргонд æрцыдысты æппæт ирон адæмы 6-æм съезды горæт Цхинвалы. Курæг уæ стæм, абонæй фæстæмæ æххæст кæнут ацы нырыккон иумæйаг æгъдæуттæ».
Дзамболат, æвæццæгæн, ацы разныхас ды нæ бакастæ, æмæ йæ, дæ хорзæхæй, бакæс.
Зæгъæн ис афтæ: нæ иумæйаг æмхуызон æгъдæуттыл разы чи нæу æмæ сыл цæлхдур чи æвæры, уый у адæмы уынаффæйы ныхмæ æмæ йæ нæ фæнды, Ирыстоны иу æгъдау уа, уый.
Ацы чысыл чиныджы цыбырæй фыст сты, нæ иумæйаг æмхуызон æгъдæуттæ куыд æххæст кæнын хъæ-уы, уый, æмæ йæ ды нæ бамбæрстай.
Дзамболат, дæхæдæг дæхицæн æвдисæн, горæт Алагиры æмæ районы хъæуты сымах Хуыдæлы-фыртимæ иумæ æмбырдтæ куы кодтат, ацы чиныгмæ уынаффæтæ æмæ фиппаинæгтæ куы хастат, уый фæстæ «Стыр Ныхас»-мæ фыстæг куы æрбарвыстат, Алагиры районы цæрджытæ ацы чиныджы проектыл разы сты, зæгъгæ.
2007 азы ды уыдтæ Æппæтирон адæмон VI съезды делегат. Сæрма-гондæй съезды фарста æвæрд уыд не ‘гъдæутты тыххæй, æркастысты фыццаг рауагъд (2003 азы) чиныгмæ, æмæ йыл уæд цæмæн хъæлæс кодтай? Цы гыццыл рæдыдтытæ дзы уыдис, уыдон абон цæмæн æрхъуыды кодтай?!
Съезды фидаргонд чи æрцыд, уыцы чысыл чиныг джиппы уагъд абоны онг не ‘рцыд, уымæн æмæ нæ уыд æхцайы фæрæзтæ.
Дзамболат, ды куыстай Алагиры районы Ныхасы хицау Хуыдæлы-фыртæн йæ хæдивæгæй. Сымах уым уæхи хорзæй нæ равдыстат. Дзуæртты мысайнæгтæм æвнæлдтат. Дæ чиныгæн дæр уыцы мысайнæгтæй типографийы хæрдзтæ бафыстай 150 мин сомы.
Сымах фарстамæ сæрмагондæй æркастысты Координацион Советы.
Уым æмхъæлæсæй рахастой уынаф-фæ сымах судмæ раттыны тыххæй, фæлæ уын хатыргонд æрцыд. Æвæц-цæгæн, уыцы хабæрттæ дæуæй æр-байрох сты, Дзамболат, æмæ ма иу хатт бакæс Хуытъиаты Таймуразы доклад «Стыр Ныхас»-ы газеты № 18–19 2011 азы.
Нæ фыдæлтæ-иу ахæм ныхас кодтой: мæсыг, дам, йæхи дурæй хæлы. Дæу дæ куысты бынатæй систой. Æрæджы фæстæмæ бацыдтæ дæ зæронд бынатмæ, Алагиры районы Ныхасы сæрдар Баскаты Никъалайы хæдивæгæй. Цалдæр боны йеддæмæ нæма кусыс ацы бынаты, æмæ та дæхи равдыстай цъыфкалæг æмæ хахуыртæ фыссæгæй.
Æркæс-ма дæхимæ, Дзамболат, æмæ æгъгъæд скæн!

«Иры Стыр Ныхас»-ы ирон æгъдæутты комитет