Кæй хъæуынц ахæм зондамонæнтæ? (Пульс Осетии №48, декабрь 2014)

Фæстаг рæстæг арæхæй-арæхдæр фыссæм газетты, дзурæм радиойæ, телевизорæй  ирон æгъдæутты тыххæй. Дзурæм, цæмæй, нæ рагфыдæлтæй куыд баззадысты, афтæмæй сæ бахъахъхъæнæм рæсугъдæй æмæ сæ хæццæ кæнæм нæ фидæны фæлтæртæм. Ацы ахсджиаг фарстайыл кусы Æппæтдунеон æхсæнадон змæлд «Иры Стыр Ныхас». Ам фыццаг бонтæй фæстæмæ арæзт æрцыд ирон æгъдæутты комитет, йæ сæргъы Мырзаганты Махарбег. Комитеты разагъды лæгтæ сæхиуыл ницæмæй ауæрдынц, цæмæй ирон æгъдæуттæ адæмæн æмбарын кæной, хъæуты æмæ горæтты æмбæлой адæмимæ æмæ сын дзурой, алы ран дæр ирон адæммæ куыд уа иухуызон æгъдау, фæсивæд ахуыр кæной хистæртыл, хистæртæ та рæдигæ ма кæной. Кæй зæгъын æй хъæуы, ацы куыст æнцонæй къухы нæ бафтдзæн, æрвылбон дæр ыл комитеты уæнгты хъæуы архайын. Æмæ йыл архайгæ дæр кæнынц, фæлæ фылдæр хатт фæсыкк вæййы куыст æмæ хъуыддагмæ ницы æвæрæн бахæссынц.
Мæ ныхас у, æрæджы «Стыр Ныхас»-ы ирон æгъдæутты комитет цы дыууæ чиныджы рауагъта мыхуыры, уыдоны тыххæй.
«Ирон æгъдæуттæ» — афтæ хуындис фыццаг чиныг-бæрæгуат, дыккаг — «Чындзхаст, чызгæрвыст æмæ марды æгъдæуттæ». Чингуытыл кусæг къамисы уæнгтæ фыссынц, цæмæй сæ чи бакæса, уыдон сæм фехъусын кæной сæ фиппаинæгтæ, сæ хъуыдытæ. Æз сæ зæрдиагæй бакастæн, æмæ мæм цы хъуыдытæ æрцыд, уыдон мæ фæнды бамбарын кæнын газеткæсджытæн, стæй æгъдæутты комитеты къамисы уæнгтæн.
Æппæты разæй зæгъын уый, æмæ дыууæ чиныджы кæрæдзийæ ницæмæй хицæн кæнынц. Сæ фæрстыл ис уыцы иу æрмæг. О, фæлæ сæйрагдæр та уый у, æмæ, ирон æгъдæуттыл дзургæйæ, ногæй ницы загътой.
Чиныг кæсгæйæ адæймагмæ афтæ фæкæсы, цыма йæ автортæ райдиан кълæсты ахуырдзаутимæ ныхас кæнынц, кæнæ та, æппындæр ирон æгъдæуттæн чи ницы зоны, ахæм адæмимæ дзурынц. Уыимæ сæ ныхас дæр афтæ сæмхæццæ вæййы, æмæ йын адæймаг ницыуал фембары.
Зæгъæм, æркæсæм-ма ирон куывды хистæрты «æгъдаумæ». 23-аг фарсыл кæсæм: «Куывды хистæр скувы æмæ кувæггаг авæры, куывд кæй номыл у,
уымæ. Дыккаг хистæр кувæггаг авæ-ры æртыккаг хистæрмæ».
Æртыккаг хистæрæн йæ къухы нуазæн æмæ физонæг куы ис, уæд ма уыдоны та цы фæкæна? Цы райсой хорзæй бадты кæстæртæ ацы куывды?
Афтæ мæм кæсы, цыма къамисы уæнгтæ нæ зонынц, гаджидау иннæ сидтытæй цæмæй хицæн кæны, уый. Æндæр 27-æм фарсыл цæмæн фыссынц ахæм ныхæстæ: «Хистæр куы фæкувы (фыццаг гаджидау), уæд бадты адæм лæууынц бæгъæмсарæй». Æмæ афтæ дарддæр…
Куыд зонæм, афтæмæй гаджидау у иу адæймаджы кæнæ бирæ уазджыты уæлдай кадджындæр скæныны тыххæй сæрмагонд сидт. Арæх фехъу-
сæн вæййы: «Хистæр цавæр сидтытæ фæкæна, уый нал зоны æмæ гаджи-дæуттæ уадзы».
Мæнмæ афтæ кæсы, нæ Иры ис бирæ кадджын, æгъдауджын лæгтæ. Уыдоны фæрцы нæм вæййы рæсугъд бæрæгбæттæ. Æмæ цымæ уыдонæн хъыг нæ уыдзæн, хорз цы зонынц, амонын сын цы нал хъæуы, ахæм зондамонæн ныхæстæ ацы чиныджы ногæй куы бакæсой, уæд? Зæгъæм, мæнæ ахæм зондамонæн ныхæстæ: «Чындзæхсæвы хистæрæн бадын кæ-нын хъæуы, ирон æгъдæуттæ хорз чи зоны, ахæм адæймаджы» (27-æм фарс). Кæнæ: «Кувгæйæ хистæртæ рахиз къухæй фæхæцынц нуазæныл, галиу къухæй та фæхæцынц кувинагыл» (32-аг фарс).
Цæмæн худинаг кæнæм нæхи, нæ буц хистæрты? Ау, ахæм хистæртæ нæм ис, æмæ кувгæйæ агуывзæйыл кæцы къухæй хæца, уый чи нæ зоны? Кæнæ цы ахъуыды кæндзысты нæ хистæртæ, мæнæ ацы зондамонæн ныхæстæ куы бакæсой, уæд: «Чындзхæсджыты хис-тæр хъуамæ бада, кусарты сæр кæм æвæрд вæййы, уым» (26-æм фарс). «Хистæрты раз вæййы æртæ чъирийы, сæр æмæ бæрзæй (бæрзæй галиуæрдыгæй)». «Скувыны размæ астæуккаг уæливых фæбырын хъæуы
рахизæрдæм, уæллаг та — галиуæр-дæм» (27-æм фарс).
Уæдæ диссаг куыд не сты мæнæ ахæм амынддзинæдтæ дæр: «Фынгыл алкæмæн дæр йæ разы æвæрын хъæуы тæбæгъ, агуывзæ, салфеткæ æмæ вилкæ» (26-æм фарс). «Бадты кæрон дыккаг кæнæ æртыккаг хистæр хъуамæ арфæ ракæна бадты хистæрæн». «Зымæгон чындзы йæ хæдзарæй куы ракæнынц машинæмæ, уæд хистæртæ æмæ ма иуæй-иу чындзхæсджытæ бирæ бафæстиат вæййынц чызджы хæдзары. Уый раст нæу. Чындзхæсджытæ уынджы суазал вæййынц. Хистæртæ хъуамæ зоной, уазалы сæм се ‘мбæлттæ æнхъæлмæ кæсынц, уый, æмæ кæной цыбыр ныхас» (29-æм фарс).
Мæнмæ афтæ кæсы, æмæ ацы «диссаджы» зондамонæнтæ цы хис-
тæр бакæса, уый уæлдай бузныг нæ
уыдзæн чиныджы автортæй, æгъдæут-ты комитеты сæрдæр Мырзаганты Махарбегæй. Нæ дзы ссардзæн, цæй фæдыл сын раарфæ кæна, уый.
Уæдæ ма бакæсæм, цы диссаджы æгъдæуттæ нын амонынц чиныджы хай «Марды æгъдæуттæ»-йы. Мæнæ къамисы хъуыдытæ: «Адæймаг куы амæлы, уæд ын исчи йæ цæстытыл æрхæцы». «Хæдзары бинонтæ телевизор æмæ кæсæн бамбæрзынц, уат, хæдзар кæ-нæ кулдуар байгом кæнынц» (39-æм фарс). «Марды хъæуы ныннайын, ныддасын, йæ уæлæ йын йæ мæрддзаг дарæс скæнын æмæ йæ сынтæджы сæвæрын. Нæлгоймаг мардæн лæггад кæнынц нæлгоймæгтæ, сылгоймаг мардæн та сылгоймæгтæ» (40-æм фарс). «Мардмæ бацæуæн фæндаг хъуамæ уа уæгъдибар» (47-æм фарс). «Цалынмæ мардæн йæ кæндтæ ахицæн уой, уæдмæ мæрдджынтæн не ‘мбæлы кафын, зарын, фæндырæй цæгъдын» (53-аг фарс).
Цымæ кæцы мæрдджынæн хъæуы ахæм зонд амонын? Нæ ирон æгъдау фидар уымæн у, æмæ чысыл рæдыд дæр никæмæн бары, вæййы худинаг, адæмы астæу сæгад вæййы. Цы зæгъынмæ хъавын ам? Нæ куывды æмæ зианы бон дæр адæймаджы фарсмæ æрбалæууынц æмæ феххуыс кæнынц бирæ фæкæсджытæ. Уыцы фæкæсджыты циндзинады фæхонынц лæггадгæнджытæ, зианы та — фыдæбонгæнджытæ. Фæлæ сæ цины дæр æмæ зианы дæр чиныджы автортæ хонынц «лæггадгæнджытæ» (48-æм фарс). Кæнæ ахæм дæнцæг: хистæртæй алчидæр зоны, бæркады размæ кусарты хъус куы ралыг кæнынц, уæд æй фæсаджил кынынц æмæ йæ сæвæрынц кусарты сæрыл, йæ лыггæнæн æргæвдæны ‘рдæм. Цæмæндæр комитеты къамисы уæнгтæ фыссынц фыццаг рауагъд чиныджы, зæгъгæ, хъус куы ралыг кæнынц, уæд æй æрæвæрынц кусарты уæлæ, йæ лыггæнæн хистæрты ‘рдæм (51-аг фарс), дыккаг рауагъд чиныджы та фыссынц, хъус æвæрын хъæуы кусарты уæлæ, йæ лыггæнæн кæстæрты ‘рдæм, зæгъгæ (50-æм фарс).
Гъе афтæ алы зыгъуыммæ хъуы-дытæ æмæ ныхæстæй æмтъеры кæ-
нынц нæ рагфыдæлты ирон æгъдæут-тæ. Цымæ кæд арцæудзыстæм иу хъуыдымæ, кæд байдайдзыстæм нæ ирон æгъдæуттæ иухуызон кæнын? Æмæ ацы ран нæ зæрдæ «Стыр Ныхас»-ы ирон æгъдæутты комитетыл куы дарæм, уæд куыд кæнæм, Махарбег?!

ХÆБÆЛАТЫ Дзамболат,
Алагиры районы «Ныхас»-ы сæрдары хæдивæг

Комментарии

asoltsvkoj, 16:32, 29 Авг. 2016

<a >buy effexor</a> <a >buy serpina</a> <a >singulair cost</a> <a >celebrex</a> <a >cialis</a>

Tracyfut, 03:08, 09 Янв. 2017

<a >bonuses</a> <a >buy propranolol</a> <a >buy generic valtrex online</a> <a >where to buy arimidex online</a> <a >cialis for sale online</a> <a >generic cialis 100mg</a> <a >tadacip cipla</a> <a >view website</a> <a >buy inderal online</a> <a >buy propranolol</a>

Aarondeats, 14:30, 16 Янв. 2017

wh0cd693298 <a >viagra</a> <a >viagra online without a prescription</a> <a >generic tadacip</a> <a >tetracycline cream</a> <a >prednisolone</a> <a >singulair</a> <a >effexor</a>

KennethLem, 19:47, 05 Мар. 2017

wh0cd482237 <a >cheap amoxil</a> <a >your domain name</a> <a >tenormin</a> <a >Purchase Revia</a>

MichaelJipsy, 07:57, 19 Мар. 2017

wh0cd629595 <a >buy elocon</a>

Phyllischoox, 03:41, 27 Апр. 2017

wh0cd561383 <a >tadalafil cialis</a>

BennyHanty, 02:21, 15 Июн. 2017

wh0cd436187 <a >celexa online</a>

KennethLem, 03:02, 24 Июл. 2017

wh0cd633252 <a >hydrochlorothiazide 25mg</a> <a >Colchicine Probenecid</a>

Aarondeats, 22:48, 30 Авг. 2017

wh0cd212470 <a >tadalafil online</a> <a >amoxicillin 875 mg</a> <a >ADVAIR</a>

JohnRax, 06:21, 06 Сен. 2017

<a >Get More Info</a>

Aarondeats, 00:22, 08 Сен. 2017

wh0cd5221445 <a >source</a> <a >viagra</a>

BillyMok, 20:14, 13 Сен. 2017

<a >clonidine</a> <a >phenergan dm</a> <a >citalopram tab 20mg</a>

CharlesRoand, 16:49, 14 Сен. 2017

<a >celexa medication</a> <a >viagra soft</a>

Добавить свой комментарий

Ваше имя:
Код:
Комментарий: