ПУЛЬС ОСЕТИИ №26 ИЮЛЬ - Æхца æви Хуыцау?

Айфыццаг Парламенты национ политикæйы ко-
митеты сæргълæууæг
Тедеты Русланы хъæппæрисæй арæзт æрцыдис фембæлд. Архайдтой дзы парламенты депутаттæ, ахуыргæндтæ, æх-
сæнадон архайджытæ. Сæ ны-
хасы сæр уыдис ирон кувæн-дæттæ æмæ ирон æгъдауы тыххæй. Кæй зæгъын æй хъæуы, ацы ахсджиаг фарстыл ныхас абон нæ райдыдта. Нæ фыдæлтæ дæр иу æмæ дыууæ хатты нæ хатыдысты Ирыстоны адæммæ, цæмæй сæ кæрæдзийы бамбарой, цæмæй не ‘гъдæуттæ фæстæмæ сæ гаччы сбадой, цæмæй нæ кувæндæттæй хынджылæг ма-уал кæнæм. Хынджылæг та сæ кæнæм нæхæдæг, æддагон нæм не ‘рбацыди æмæ нын нæ загъта: ацæут æмæ уæ кувæндæтты Хуыцау æмæ йе сконд зæдтæм кувыны бæсты ирон æмæ уырыссаг арахъæй, стæй ма суанг коньяк æмæ шампайнаг сæнæй уæхимæ хорз фæкæсут, уæхи куыд нал æмбарат афтæ. Æддагон нæм не ‘рбацыди æмæ нын нæ бацамыдта: бавдæлут æмæ уæ куывддонты бынæтты кусарт кæнут. Æви нæ æддагон исчи бацардыдта, уæ рухс кувæндæтты цур уазæгдонтæ сæвæрут, зæгъгæ? Уымæн куыд бамбарæн ис?! О, адæймаг удгоймаг у æмæ царды алы хабар дæр æрцæуы, фæлæ куывддонмæ цæуа хъуамæ æрмæстдæр цалдæр лæджы, цæмæй Хуыцаумæ бакувой, сæхи, сæ къабæзты, сæ сыхбæсты бинонты Хуыцау
æмæ йе сконд зæдтыл бафæ-дзæхсой, стæй сæ фæрныг хёдзæрттæм ацæуой æмæ, кæмæн йæ къух куыд амоны, афтæмæй куывд скæной.
Мах та абон куыд кæнæм? Кувæндон куывдтæ кæнæн быууат нæу, фæлæ кувæн бынат. Æмæ дзы хъæуы æрмæстдæр кувын, кæнæ йæ карздæрæй зæгъдзынæн: ис дзы æрмæст-дæр кувыны бар! Гуыбыны дзаг хæрын æмæ нуазыны бар та дзы хъуамæ макæмæн уа. Стæй кувыны бар дæр алкæмæн ма уа! Цы йæ сусæг кæнæм, нæ дзуæрттæм цæуынц къæрныхтæ дæр, æвæццæгæн, лæгмартæ дæр æмæ æндæр ахæм чъизи цæсгомджынтæ. Лæгдыхæй сын ничи ницы бакæндзæн, фæлæ, цæмæй ахæм адæмтæй ссыгъдæг кæнæм нæ кувæндæттæ, уый тыххæй, мæнмæ гæсгæ, хъæуы рахæссын ахæм уынаффæ, цæмæй алкæмæн цæуыны бар мауал уа нæ сыгъдæг дзуæрттæм. Алы дзуарæн дæр ис дзуарылæг, æмæ йæ хъуамæ зона, чи æрбацыди дзуармæ, истæмæй тыхсы, æви бæрæгбоны дзуарæн табу кæнынмæ æрбацыд, æви йæ ног хæдтулгæ кæнæ фатер фæдзæхсы дзуæрттыл. Хъуамæ дзуармæ цæуой, мæнæ аргъуанмæ куыд фæ-цæуынц, афтæ. Сыгъдæг зæр-дæйæ, нымдгæнгæйæ, æнæ хъæрныхасгæнгæйæ. Афтæ куы зæгъон, æмæ аргъуантæм æмæ мæзджыттæм иууылдæр сыгъдæджытæ æмæ æрмæст растзæрдæ адæм цæуынц, уый дæр раст нæ уыдзæн. Уырдæм дæр алыхуызæттæ барæдийынц æмæ сæхиуыл дзуæрттæ бафтауынц, Хуыцаумæ бакувгæйæ рацæуынц æмæ дарддæр се ‘нæуаг митæ фæкæнынц. Æрмæст аргъуаны æмæ, кæй зæгъын æй хъæуы, мæзджыты нуазыны бар никæмæн ратдзысты. Æмæ махæн нæ бон афтæ бакæнын нæу? Бæгуыдæр у! Абон мах не ‘гъдау куы нæ банывыл кæнæм, уæд райсом ницы хорздзинад æнхъæлмæ кæсы нæ адæммæ. Цæй мидæг ис ирон æгъдауы хъару, йæ тых? Цæмæн ранхъæвзта æнусты, мин азты сæрты? Уымæн æмæ, кæд иннæ динтæ æвæрд сты адæмыхæттытæн сæ уæлсæр, кæд иннæ динтæ амонынц, дин адæмыхаттæй бæрзонддæр æмæ тыхджындæр у, зæгъгæ, уæд мах дин, мах æгъдау та у ирон адæмæн сæ ирвæзынгæнæг. Цалынмæ ирон адæм хæст уой сæхи дин æмæ сæхи æгъдæуттыл, уæдмæ уыдзыстæм ирон адæм. Кæд нал – уæд та нал!
Афтæ карзæй цæмæн дзурын, уымæн ис аххосæгтæ, æмæ сæ алчидæр зоны.
Дыууæ азы размæ Ирыстоны иу афæдзы дæргъы æрцыди, динимæ баст чи уыди, цалдæр ахæм цауы: Фыййагдоны моладзандоны мингай адæмтæ Цыппурсы бон сæхи надтой их доны, мингай ирæттæ сæрды сæмбырд сты «Манеж»-ы æмæ Йеговæйæн табутæ фæкодтой, аннæ мингай ирæттæ Цыколайы стадионы пысылмон бæрæгбоны иумæйаг ламаз кодтой, мингай ирæттæ Хетæджы дзуары бон (табу йæхицæн) сæхи фæдзæхстой Уастырджийыл. Афтæ ничи зæгъы, æмæ Хуыцаумæ кувын хорз нæу. Æмæ æз азымджын никæй кæнын, æгайтдæр ма кувгæ кæнынц. Фæлæ мæнмæ афтæ кæсы, цыма абон уа, райсом уа, ирон æгъдауæй чи фæиппæрд уа, уый фæиппæрд уыдзæн ирон адæмæн йæхицæй. Нæ мæ фæнды дины кусджыты ныхмæ дзурын, фæлæ уыдонæн уæлдай нæу, чи кæцы адæмыхаттæй у, уый. Уыдонæн сæ нысан у фылдæр адæм самидин кæнын сæ динты ‘рдæм. Афтæмæй, Хуыцаумæ кувынмæ бæлгæйæ, ирон адæм сафынц сæ фыдæлты дин, сæ фыдæлты æгъдау. Æмæ тæссаг у, нæ ирондзинад бынтондæр куы фесæфа, уымæй. Ирон лæг Хуыцаумæ цæмæн хъуамæ кува искæй æвзагыл? Чырыстон-католиктæ кувынц латинаг æвзагыл, чырыстон-растуырнджытæ (православные) кувынц уырыссагау æмæ грекъагау, пысылмæттæ – араббагау. Кувынц чи бадгæйæ, чи йæ зонгуытыл лæугæйæ. Алкæмæн дæр сæ йæ цæрæнбон бирæ уæд æмæ сын Стыр Хуыцау арфæ ракæнæд, фæлæ ирон фынгыл æртæ чъирийы иронау цы бон нал скувæм, уыцы бон нæ адæмы сæфтмæ скæндзыстæм стыр санчъех.
Цы саразæн ис æмæ цы саразын хъæуы абон мах? Айфыццаг Ирыстоны дзуарылæгтæ æрæмбырд сты Хетæджы дзуары бын æмæ æрныхас кодтой ацы ахсджиаг хабæрттыл. Рахастой уынаффæ, цæмæй рауадзой æртæ чиныджы: фыццаджы фыст уыдзæн Ирыстоны дзуæртты истори æмæ географи, дыккаг чиныджы уыдзысты ирон куывдтытæ, æртыккаг чиныг та уыдзæн се ‘ппæты сæйрагдæр – «Арион æгъдау». Мæнмæ гæсгæ, раст уынаффæтæ рахастой дзуарылæгтæ, фæлæ уал æркæсын æмбæлы дзуæртты абоны уавæрмæ æмæ сын пълан скæнын хъæуы. Ома: дзуæртты быууæттæ æмæ сæ алфамбылай цы уавæры сты, дзуарылæгтæ куыд æх-хæст кæнынц сæ хæс Хуыцау
æмæ адæмы раз. Стæй æп-пæты худинагдæр фарст – мысайнæгтæ чи æмæ куыд хардз кæнынц? Уый фæстæ та Парламенты æрцыдис, уæлдæр цы æмбырды кой ракодтон,
уый. Бирæ зондджын æмæ рæсугъд ныхæстæ дзы ракодтой. Бæрæг уыдис, раны-хасгæнджытæй алчидæр кæй тыхстис ирон æгъдæуттыл, ирон фарныл. Фæлæ, хъыгагæн, ныхас фылдæр здæхт цыдис мысайнæгты бæрцыл. Чи сæ хъуамæ иса, ома чи æмæ сæ куыд хъуамæ хардз кæна? Къесаты Станислав загъта, цæмæй уыцы хъуыддаг бабар кæной «Стыр Ныхас»-æн. Хъамболты Тамерлан та бахаста уынаффæ, цæмæй равзарой ног сæрмагонд къорд, алы районтæй дæр дзы куыд уа минæвар. Хъамболы-фырты хъуыдымæ гæсгæ, кæд «Стыр Ныхас» ницы бар дары аргъуанты æмæ мæзджытты архайдмæ, уæд цæмæн хъуамæ дара бар ирон дины хабæрттæм? «Стыр Ныхас»-æн æнæуый дæр бирæ æндæр æхсæнадон куыст ис. Парламенты депутат Челдыты Витали радта цымыдисаг фарст: «Ныр абон исчи куы фæсидид ирæттæм, рарвитут ма уæ ирон дины минæвар, уæд кæй арвитиккам?» Дарддæр йæ хъуыды рапарахат кодта: «Сау-джыны æрвитæн нæй, уый чырыстон дины минæвар у, уæдæ моллойы дæр нæ арвитдзынæ, уæд та зæгъдзысты, уый та пысылмон у, зæгъгæ». Æмæ, æцæгæйдæр, цымæ нæма æрцыди афон Ирыстоны фарн æмæ æгъдау парахатгæнæг æмæ сæ ирон æмæ иннæ адæмты ‘хсæн амонæг лæг-тæ сæвзарынæн? Хъуыдыйаг фарст у.
Сусæны мæй ралæууыд, бæрæгбæтты мæй у, æмæ уæ Стыр Хуыцау æмæ йе сконд зæдты хорзæх уæд, Ирыстоны адæм!

Фидараты Юри

Комментарии

Комментарии к данной статье отсутствуют

Добавить свой комментарий

Ваше имя:
Код:
Комментарий: