Кæд, кæмæ æмæ цæмæ кувæм? (ПУЛЬС ОСЕТИИ №26 ИЮЛЬ)

Æвæдза, диссаг у адæй-маджы цард! Бонтæ цæуынц, иу афæдзы афон иннæйы ивы. Уыдис зымæг, æмæ йæм ис йæхи диссаджы миниуджытæ. Бон ныццыбыр вæййы, æхсæв та — даргъ. Адæймагæн йæ цæстытæ ныйирд вæййынц боны рухсмæ æнхъæлмæ кæсынæй. Фæлæ цал дисса-джы рæсугъд афæдзы афоны ис! Цас хъæлдзæгдзинады ис алы афæдзы афоны дæр!
Ног аз райдайы зымæджы афонæн йæ дыккаг хайæ, æмæ дзы цас хъæлдзæгдзинад вæййы æппæт адæмæн дæр! Иу бæрæгбон иннæйы ивы.
Ног азы фæстæ цæуы Комахсæн, 2013 азы райдыдта галæргæвдæн хуыцаубонæй, 3 мартъийæ, æмæ æнæхъæн къуыри у дзидзахæрæн къуыри.
11 мартьийы, къуырисæры та райдыдта Цæрвтæкъахæн, æмæ æнæхъæн къуыри хъуамæ адæм хæрой царв, цыхт æмæ æндæр æхсыры хæринæгтæ.
Райсомæй 18 мартьийы, къуырисæры, алчи йæ хæдзары скодта æртæ чъирийы æнæ мархойы хъæстæйæ æмæ
скуывта, цæмæй мархойы дард Чырыстийы номыл барст фæуа!
Дыццæджы та иу ком бадардтой Лæгты дзуары номыл, «æфсымæрты комдарæн» æй
хуыдтой. Афтæ-иу æртыццæ-джы дæр адардтой ком æмæ та-иу скуывтой æртыгай чъиритæ.
Цыппæрæмы та дардтой ком Рæстæйы боны тыххæй. Кодтой сыхы иумæйаг куывдтæ, æрмæстдæр сылгоймæгтæ.
Куырдтой Стыр Хуыцауæй, цæ-мæй бинонты хорз уынаффæтæ æмæ хъуыддæгтæ рæстмæ кæной афæдзæй-афæдзмæ. Фысым-иу сыхæгтæ уыдысты радыгай. Фысым-иу æрзылдис къусбарыл æмæ мысайнагыл, æмæ уыцы иумæйаг хоры задæй фыхтой бæгæны. Мысайнаг æхцайæ та æлхæдтой кæсаг, кæф æмæ ма, фынгмæ цы хъуыди, уыдон. Куы-иу
сцæттæ сты, уæд сыхаг сыл-
гоймæгтæ сæ æртыгай чъири-тимæ æрæмбырд сты, æмæ-иу скуывта хистæр сылгоймаг. Хъæлдзæг-иу уыди.
Хорз æй хъуыды кæнын. Махмæ-иу куы бадтысты, уæд сын хъазт дæр уыди, дзæбæх фæбадтаиккой, стæй-иу алчи-дæр йæ хæдзармæ ацыдис, сæ тæбæгъты бинонтæн кувæг-гæгтæ, афтæмæй.
Комарæны дыккаг къуыри-йæн йæ дыццæджы у Хоры бон, æмæ йæ нæлгоймæгтæ бæрæг кæнынц сыхы куывдæй. Фысым чи уа, уый сыхы мидæг æрæмбырд кæны къусбар. Скæны бæгæны, мысайнæгтæй та балхæны кæ-
саг, кæф æмæ ма, цы фæхъæ-уы, уыдон. Афтæмæй куы сцæттæ кæны фысым, уæд алчидæр æрбацæуы йæ æртæ кувинагимæ, æмæ скувынц. Фæкурынц Хуыцауæй, Хоры Уациллайæ хъæздыг хоры æрзад æмæ хорз рæстæг.
Афтæмæй авд къуырийы дæргъы, йæ бон кæмæн вæййы, уыдон фæдарынц мархойы ком Куадзæны бæрæгбонмæ.
Табу фæуæд Стыр Хуыца-уæн, зæдтæн æмæ дауджытæн!
Цæмæндæр мæм диссаг фæкасти, дзæвгар раздæр телевизорæй куы равдыстой Рæстæйы куывд, стæй та уый фæстæ Хоры боны куывд.
Цас диссаг хабар у, иу уы-
наффæмæ æрцæуæн нæй, нæ
иумæйаг чырыстон бæрæг-бонтæ куыд æххæст кæнын хъæуы, уыцы уагæн? Æппæт
зæххы къорийыл цы чырыстон адæм цæры, уыдонæн сæ иумæйаг чырыстон бæрæгбонтæ куыд æрцæуынц иумæ? Ирыстон та у æрмæст армытъæпæны йас, æмæ нæ бæрæгбонтæ кæнæм алыхуызон. Цæмæн? Кæд æмæ нæ рагзаманы фыдæлтæ чырыстон дин райстой Уæрæсейæ дзæвгар раздæр, уæд махæн æмбæлы уыцы хъуыддаджы рæдийын? Ис нæм чырыстон аргъуантæ, ирон аргъуан дæр, æмæ уыдонмæ хауы, нæ бæрæгбонтæй кæд кæцы хъуамæ уа, уый бæлвырд кæныны уаг. Алчи сæ хъуамæ ма кæна афонæй раздæр кæнæ фæстæдæр, уымæн æмæ уый пайда нæу адæмы цардæн. Алы бæрæгбонæн дæр йæхи æгъдау ис, йæхи аудындзинад.
Дыккаг къуырийæн йæ æр-тыццæджы та бæрæг кодтой Тутыры бæрæгбон. Кодтой Тутыры сынчытæ сырх æндахæй, цæмæй Тутыры фæдзæхст уой гыццылæй æмæ стырæй. Суанг ма хæдзары фосы онг дæр.
Куадзæнмæ ма къуыри куы
вæййы, уæд та вæййы къутугæнæн хуыцаубон. Сы-вæллæттæн уый тынг зынаргъ бæрæгбон уыди, скодтой-иу алыхуызон хъæзтытæ, архайдтой, кæрæдзийæ фылдæр къутутæ чи рамбула, ууыл.
Афтæмæй ма къуыри фæдарынц мархойы ком.
Хорз æй хъуыды кæнын, нæ мад нын-иу Куадзæны хуыцаубонмæ цас алыхуызон ногдзинæдтæ сцæттæ кодта, уый. Куадзæны ног дарæс скæнын, алыхуызон адджинæгтæ сцæттæ кæнын уыди тынг ахсджиаг хъуыддаг. Уыдон-иу уыдысты цæттæ райсомæй мах сыстынмæ. Тынг диссаг уыди афтæ раджы сарæхсын уыдæттæм. Афтæ дæр нын-иу дзырдтой, раджы чи сыста, уый Есо Чырыстийы фендзæн йæ бæхыл æмæ йын фехъусдзæн йæ ныхас дæр: «Уæ дзаджджынтæ уæхæдæг ахæрут, уæ къæристæ мæ бæхæн авæрут». Тынг-иу нæ фæндыди фехъусын уыцы ныхæстæ æмæ хъулон бæхы фенын.
Стæй-иу сыхæгтæ кæрæ-дзимæ цыдысты арфæтимæ, Чырысти райгас, зæгъгæ, æмæ-иу бæрæгбоны кувæггæгтæй сахуыстой.
Афтæмæй æнæхъæн къуыри чырыстон адæм бæрæг кодтой Чырыстийы бæрæгбон Куадзæн. Тынг хъæлдзæг-иу уыдис.
Куадзæнæй авд къуырийы куы рацæуы, уæд та вæййы иннæ стыр бæрæгбон — Кæрдæгхæссæн. Ацы бæрæгбон дæр адæм кæрæдзимæ цыдысты арфæтимæ, сæ къухы хастой кæрдæджы халтæ æмæ-иу сæ байтыдтой хæдзары арфæтимæ. Куырдтой хорз рæстæг, æнæниздзинад, хъæз-дыг хоры æрзад. Æмæ ма но-джы — алчидæр Хуыцауы хорз арфæтæй хайджын куыд уа!
Кæрдæгхæссæнæй къуыри куы рацæуы, уæд къуырисæры бæрæг кæнынц Чъириаг æхсæн. Уæд доны был адæм æхсадтой чъириаг мæнæу, цæмæй Хоры Уациллайæн барст уа. Иннæ къуырисæры та уыди Хоры Уациллайы бæрæгбон. Тынг зæрдиагæй йыл æмбæлдысты адæм. Хохæй быдырмæ чи ралыгъди, уыдон сарæзтой сæ хъæугæрæтты, сæ фыдæлтæ кæмæ куывтой, уыцы цытджын Уациллайы кувæндæттæ. Фæлæ уæддæр бирæтæ цыдысты æмæ ныр дæр цæуынц хохмæ сæ рагфыдæлты кувæндонмæ.
Афтæ афæдзы мидæг бæ-рæгбонтæ кæрæдзийы ивынц. Æмæ фæвæййынц Джеоргуыбайы бæрæгбонæй.
Вæййы афтæ, æмæ адæй-
магæн йæ амал нæу йæ бæрæгбон афоныл саразын.
Уæд хатыр ракуры Стыр Хуыца-уæй, зæдтæй æмæ дауджы-тæй, сæ ном сын ссары æндæр бон.
Ис ма афæдзы мидæг алы комы цæрæг адæмæн æрмæст сæхи бæрæгбонтæ. Фæлæ уыдонæн сæ нæмттæ кæд алыхуызон сты, уæддæр сæ мидис иу у. Адæмы курдиат Хуыцауæй у иу: сæ хæдзæртты амонд куыд уа, æрдзы хъæздыгдзинæдтæй хайджын куыд уой, рæстæг афæдзæй-афæдзмæ бинонтыл дзæбæхæй куыд цæуа, фæллой кæнын сæ бон куыд уа æмæ уыцы фæллойы хорз бæркад куыд уа!
Ногæй та мæ тынг зæрдиагæй фæнды зæгъын, цæмæй, Иры хистæр кары адæм куыд хъуыды кёнынц, афтё цæуой арæзт нæ иумæйаг бæрæгбонтæ. Ис алы комы дæр ахæм адæмтæ, кæцытæ хъуыды кæнынц, куыд кодтой æмæ нымадтой рæстæг иу бæрæгбонæй иннæмæ. Цæмæн ис ног азæй Комахсæнмæ 3, 5–7 къуырийы? Æз æй куыд фехъуыс-тон æмæ федтон мæ фыд æмæ мадæй, афтæмæй уый уыди уæларвон мæймæ гæсгæ арæзт.
Комахсæн æмæ Комбæттæн. Иу дзы хъуамæ æрцæуа мæйæн йæ зæрондыл, иннæ та иннæ мæйæн йæ ногыл. Уыдонæн се ‘хсæн иу аз вæййы æртæ къуырийы, иннæ аз — фондз, æртыккаг аз та — авд къуырийы. Æмæ Комахсæн æмæ Комбæттæн æрцæуынц куы февралы мæймæ, куы та мартъимæ.
Иу хатт ма мæ фæнды бахахх кæнын: Комбæттæнæй Куадзæнмæ вæййы авд къуы-
рийы. Куадзæнæй авд къуыри-
йы фæстæ та вæййы Кæрдæг-хæссæн, уымæй дыууæ къуырийы фæстæ та Хоры Уациллайы бæрæгбон.
Июлы мæйæн йæ райдайæны вæййы Хетæджы дзуары кувæн бон. Диссаджы æргом дзуары бæрæгбон.Уый тыххæй дæр мæм ис цау.
Мæ фыд уыд рынчын æмæ йæ Хетæджы дзуары кувæндонмæ аластаиккам йæ бæрæгбоны. Фæлæ афтæ рауад, æмæ уыцы бон йæ къухы нæ бафтыд ацæуын. Афтæмæй мад ног æнхъызт бæгæны 10 литры балоны ныккодта æмæ йын йæ сæр æфсæйнаг æмбæрзæнæй сæхгæдта, афтæмæй афæдз фæлæууыд ныккæнды иннæ ацы бæрæгбонмæ. Диссаг уый уыди, æмæ йæ кувæндоны куы байгом кодтой, уæд ногфых бæгæныйы хуызæн уыди. Уыцы цау æппæты дæр дисы бафтыдта.
Ахæм æргом хабæрттæ куы фенай æмæ ма ноджы хистæр кары адæмæй куы фехъусай, уæд ма куыд ис фæрæдийæн? Мах сæ не ‘рхъуыды кодтам, æмæ махмæ нæ хауы сæ ивындзинад дæр.
Ирон адæммæ ма ис иу диссаджы æгъдау: хæдзармæ чындз куы æрбахæссынц, уæд ын йæ хызисæн хæцъил хæдзарæн йæ тæккæ рæбинаг уæллаг къуымы — Сафайы бынаты сæвæрынц. Цæмæн цымæ? Уымæн æмæ Сафа бынытыхицау у, æмæ йæ уый уазæг бакæнынц, куыд ног бинойнаг, афтæ.
Ноджы ма ис æрхæссæн бирæ цаутæ æмæ дæнцæгтæ цардæй, кæцытæ æфтауынц раст фæндагыл нæ кæстæрты. Æмæ фæрнæйдзаг уæм нæ царды мидæг!

БЕРОЗТЫ Таня

Комментарии

Jerrypax, 20:42, 26 Дек. 2017

Продам базы сайтов, форумов, блогов с ТИЦ от 10 для продвижения в интернете.
Тематика: Кредиты, деньги в долг - 11000942 сайтов.
Тематика: интернет магазины, шоппинг - 5217310 сайтов.
Сбор баз для продвижения на заказ
Skype:  Seo promotion +
=$=

Jerrypax, 05:56, 15 Янв. 2018

Продам базы сайтов, форумов, блогов с ТИЦ от 10 для продвижения в интернете.
Тематика: Кредиты, деньги в долг - 11000942 сайтов.
Тематика: интернет магазины, шоппинг - 5217310 сайтов.
Тематика: крипто, биткоин - 700000 сайтов.
Сбор баз для продвижения на заказ
Skype:  Seo promotion +

Greypcc, 03:52, 20 Янв. 2018

Срочно нужны деньги?
- микрозайм онлайн
Получение кредита онлайн на карту за 30 мин. Получить здесь: http://bit.ly/2AdmeW8
Oneclickmoney
<a >где взять деньги</a>
*money**

Jerrypax, 08:16, 04 Фев. 2018

Продам базы сайтов, форумов, блогов с ТИЦ от 10 для продвижения в интернете.
Тематика: Кредиты, деньги в долг - 11000942 сайтов.
Тематика: интернет магазины, шоппинг - 5217310 сайтов.
Тематика: крипто, биткоин - 700000 сайтов.
Сбор баз для продвижения на заказ
Skype:  Seo promotion +
seojerry@mail.ru

AndrewWrari, 06:25, 02 Мар. 2018

http://bit.ly/2CBPbLJ час настенные купить
=Trade Mark=

Добавить свой комментарий

Ваше имя:
Код:
Комментарий: